Pakete bat biharamunean entregatu behar bada, salbuespenik edo akatsik gabe, baliteke FedEx enpresak robot bat erabiltzea lan horretarako.

Rob Carter, FedEx enpresako zuzendari informatikoak dio bidalketen sektoreko erraldoiak ideia bat darabilela buruan: auzoetan nabigatu eta gidaririk gabe entregak egin ahal izango dituzten ibilgailu txikiak erabili.

Carter-ek FedEx barruko hainbat enpresa operatiboren agenda teknologikoa finkatzen du, besteak beste, hegazkin eta kamioi bidezko Express bidalketa zerbitzua, eta Ground bulego eta etxeetarako entrega zerbitzua, 220 herrialde baino gehiagotan baliatzen dena. FedEx enpresako arduradunak MIT Technology Review aldizkariari azaldu dizkio Adimen Artifiziala (AA) eta robotika baliatuz teknologia gorakorren arloan egin dituzten ekimen batzuk. Konpainiak horrelako teknologietan egin dituen inbertsioek guztiz aldatu dezakete bilioi ugari mugitzen dituen logistikaren merkatua: paketeak bidali eta jasotzeko modua, ibilgailu flota handien mugimendu globala?
Adibidez, baliteke egunen batean FedEx-i bidalketa bat enkargatzea ahotsari erantzuten dion Amazon Echo edo Google Home bezalako etxeko laguntzaile birtual baten bidez. Carter-ek azaldu du FedEx-ek dagoeneko garatu duela Alexa sistemarentzako app bat, AA darabilena, zeinak askotariko eskaerak ulertuko baititu: Alexa, prestatu bidalketa bat.

Eskaera bat egin ahalko duzu hitz hutsez, eta [Alexa-k] egin beharreko galderak egingo ditu bidalketa egiteko prozesua osatu duzula bermatzeko. Gero, kamioia zure bulegoko atean agertuko da, paketeak hartuko ditu eta dagokien jomugara bidaliko ditu azaldu du. Inprimakiak bete eta aukera-menuak behatzeko prozesu luzea ezabatuta, aplikazioak bidalketa prozesua optimizatuko du, horrela bezeroaren asebetetzea hobetuz. Dena den, garapenaren lehen faseetan dago oraindik.

technologyreview.es