I+G+B-ko inbertsioaren gorakada horren arrazoi nagusia da Eusko Jaurlaritzak eta NextGeneration EU funts europarrek eginiko ekarpenen hazkundea, baina orobat kontuan hartu behar da “sektore pribatuaren ahalegin handiagoa”, azterlanaren arabera.Aurreikuspen horiek jasota daudeBerrikuntzaren Euskal Agentziaren(Innobasque) Euskadiko I+G-ko Inbertsioaren Zenbatespenatxostenean, non Euskadiko enpresa-talde garrantzitsuenek parte hartu baitute.

Txosten horren arabera, koronabirusaren pandemiaren ostekosusperraldi ekonomikoak I+G-ko inbertsioaren hazkundea azkartuko du, Barne Produktu Gordinaren (BPG) % 2,08an kokatuko delarik. Inbertsioa 2020koa baino handiagoa izango da, nahiz eta 2020rako kalkulatutako hazkundea 2019koa baino handiagoa zen portzentualki (% 2,15).

Innobasque-n arabera, hori gertatzen da iaz EAEko BPGa asko murriztu zelako, eta gastatutako kopurua txikiagoa izan arren, portzentaje altuagoa ematen duelako.

Aurreikuspenen arabera, aurtengo ekitaldian I+G-n inbertituko den portzentajea (BPGaren % 2,08) “esanguratsua da, nahiz eta BPGaren hazkunde handia espero den, alegia, % 7,3koa”.2021erako aurreikuspen horrek (BPGaren % 2,08) eta 2020rako espero zenak (% 2,15) erakusten dute euskal inbertsioa Batasuneko batez bestekora hurbiltzen ari dela pixkanaka (azken datu ofizialen arabera BPGaren % 2,2koa izan zen 2019an).

Hala ere, ez da ahaztu behar Finlandia, Danimarka edo Suedia bezalako herrialde txikietan BPGaren % 3 baino gehiago inbertitzen dela.

innobasque.eus