Eraldaketa digitala funtsezko faktorea da produktibitatea eta eraginkortasuna bultzatzeko sektore industrialean.Tresna digitalei eta Informazio eta Komunikazio Teknologiei (IKTak) esker, enpresa industrialek denbora errealean egin ditzakete euren makinen funtzionamendua hobetzeko, produkzio-prozesuak optimizatzeko eta errentagarritasuna handitzeko egin beharreko doikuntzak.

“Digital twins” edo biki digital horiek makina baten benetako funtzionamendua erreplikatu dezakete ingurune birtual batean, euren portaerek eragin ditzaketen eszenatokiak marrazteko, produkzioko akatsei aurrea hartzeko, akats horiei erantzungo dieten ereduak proposatzeko eta erabaki hobeak hartzeko.Horregatik, biki digitalen sendotasuna eta fidagarritasuna ezinbestekoa da mundu errealaren eta birtualaren arteko aldeak ahalik eta txikienak izan daitezen.Honen guztiaren helburua da enpresak gai izan daitezela produkzio-katean gerta daitezkeen arazo edo intzidentziei aurrea hartzeko eta neurri zuzentzaileak inplementatzeko aldez aurretik etaahalik eta azkarren.Gainera, oinarrizko tresnak dira eszenatoki birtual batean hainbat alderdi aurreikusteko (hala nola makina baten narriadura, bere osagaien higatze-gradua…) eta, horren arabera, produkzio-lineen fidagarritasuna eta disponibilitatea handituko duten hobekuntzak martxan jartzeko.

Biki digitalek hainbat aplikazio dituzte, besteak beste “laborategi birtual” modura ere erabil daitezke.Behin sistemaren portaera erreplikatzekobezainbesteko sendotasuna duten eredu matematikoak lortu ondoren, biki digital hori erabil daiteke portaera hori aztertzeko eszenatoki desberdinetan, baita ere operazioko baldintza tipikoetatik oso bestelakoak direnetan.

Bestalde, posible da biki digitalak bereziki diseinatzea norabide biko informazio-fluxu bat izan dezaten, denbora errealean ere funtzionatzen jarraitzeko.Horrelakoetan, makinetan instalatutako sentsoreen sarea da funtzionamenduari buruzko datu esanguratsuak ematen dituena; ondoren, adimen artifizialeko algoritmoak prozesatzen du informazio hori, eta orduan jatorrizko objektura itzultzen da adierazle bezala.

CEIT teknologi zentroa, Basque Research and TechnologyAlliance (BRTA) aliantzako kidea etazentroko aktibo teknologikoen lau familietako bat ordezkatzen duena, erreferente bilakatu da biki digitalen arloan, industria sektoreko ikerketarako modelatu matematikoetan duen ezagutzari esker (“expertise”).