Hauek dira Bloomberg Innovation Index indizeak aztertzen dituen arloak:

• Ikerketa eta Garapenaren intentsitatea (urteko gastua)
• Patenteen arloko jarduera. Urteko patente-eskaeren kopurua, atzerriko eskaeren 3 urteko batez besteko hazkundea.
• Eraginkortasun tertziarioa. Goi-mailako hezkuntzako matrikula kopurua, hezkuntza-maila aurreratua duten langileen proportzioa.
• Manufakturaren balio erantsia
• Manufakturaren ekoizpen-mailak, esanguratsuak direnak esportaziorako, hala nola, BPGaren guztizko portzentajea eta per capita portzentajea.
• Produktibitatea. BPG eta diru-sarrera nazional gordina (GNI) lanerako adina duen biztanleriaren artean.
• Goi-mailako teknologiaren dentsitatea. Goi-mailako teknologian diharduten enpresa publiko nazionalen bolumena munduko enpresa guztiekin alderatuta. Goi-mailako teknologiako enpresen artean daude, besteak beste, sektore aeroespazialekoak eta defentsakoak, bioteknologiakoak, Internet-zerbitzuak eskaintzen dituztenak eta energia berriztagarrien sektorekoak.
• Ikertzaileen kontzentrazioa. Ikerketa eta Garapenean dihardutenak biztanleria osoarekin alderatuta.

Neurri horien inguruko datuen arabera, 105 herrialdek bakarrik pasa zuten aurtengo indizean sartzeko muga.

Ekonomia berritzaileenen Top 10 zerrenda

Alemaniak zerrendako lehen postua lortu zuen lehenengoz, batez ere goi-mailako teknologiaren dentsitateagatik eta patenteen arloan duen jardueragatik. Aldiz, Hego Korea bigarren postuan gelditu zen, bereziki nabarmendu delarik ikerketa eta garapen arloko intentsitateagatik, aurreko urteetan bezala. Bestalde, Hego Korea 5G teknologiaren abangoardian dago, bera izan delarik sistema hori inplementatu duen lehen herrialdea. Horregatik, ez da harritzekoa handia izatea Hego Koreako BPGarekiko ikerketa-gastua.

Hirugarren postuan Singapur dago, eraginkortasun tertziarioan lortu dituen emaitzengatik: 2017tik aurrera, % 85 inguruko portzentaje gordina erregistratu du goi-mailako hezkuntzako matrikuletan.

Hurrengo postuan Suitza dago, ikerketan eta garapenean egiten duen inbertsioagatik eta ikertzaileen kontzentrazioagatik. Eta Suedia bosgarren kokatu da, ikerketa eta garapeneko inbertsioan haztapenik onenetako bat lortuta. Suediak 2 postu egin ditu gora azken haztapenarekin alderatuta.

proeconomia.net