Duela gutxi eguzki energia atzemateko estazio bat sortu dute, zeinaren bidez ura eraldatzen baitute hidrogeno, oxigeno eta bero bihurtuz.Instalazioak antena paraboliko baten itxura du, eta eguzkiaren energia kontzentratzen du ia 1.000 bider. Horrela garatzen da ura bere oinarrizko osagaietan bereizten duen prozesua.

Sistema honen jatorrian esperimentu bat dago, 2019an egin zena, eta esperimentu hartan lortu zuten uretik hidrogenoa bereiztea.Erabiltzen duen sistema fotosintesiaren oso antzekoa da; horrexegatik deitzen diote fotosintesi artifiziala.

Hasteko, eguzkiaren argia atzematen da eta fokatze-puntuan kontzentratzen da.Puntu horretatik ura punpatzen da, zeina erreaktore fotoelektrokimiko batean sartzen baita, eta hor elektrolisi prozesu bat iragaten du.Hau da, puntu horretan oxigenoa eta hidrogenoa bereizten dira.Gainera, prozesu horrek beroa sortzen du.Nobedadea da bero hori ez dela geratzen xahutzen den hondarreko energia gisa, baizik eta aprobetxatu egiten dela etxebizitzako edo beste instalazio batzuetako berogailu modura.

Prozesuan lortzen den oxigenoa ere biltegiratu egin daiteke, eta beste aplikazio batzuetarako erabili, adibidez medikuntza arloan.Instalazio hau txikia da, eta momentuz proba bat da.Hemendik gutxira instalazio bat egingo dute enpresa siderurgiko batean, zeinetan hidrogenoa erabiliko baitute metalak berregosteko, oxigenoa inguruko ospitale bat hornitzeko eta beroa lantegian ur beroa izateko.

drivingeco.com