Erresuma Batuak 10 milioi tona elikagai inguru botatzen ditu urtean, Waste and Resources Action Program (WRAP) ongintzako antolakundeak emandako kopuruen arabera.

Baina ekintzaile talde bati esker joera aldatzen hasi da. Hainbat ekimen antolatu dituzte janaririk ez xahutzeko, eta gainera, sortu dituzten jangela benefikoek pobreei ere laguntzen diete, Gabonetako zorion pixka bat eskainiz urte garai honetan.
FoodCycle ongintzako antolakundeak Erresuma Batu osoan dauzka horrelako puntuak, eta horietako batean bazkari begetarianoak ematen ditu astero premia handiena dutenentzat, askok osasun arazoak dituztelako edo bazterkeria sozialeko arriskuan daudelako. Menua beti osatzen da zaborretara botatzekoak diren elikagaiekin.

Horrelako taberna eta elikagai-denda berrien ohiko bezeroen artean daude asmo oneko aktibistak, pobreak eta konpainia bilatzen duen jendea.
Ben Whitehead FoodCycle erakundeko boluntario ohiak esan zuen botatzekoa zen janaria bidaltzeko eskaera egin zuela bere herriko merkatuan, eta harrezkero 15 tona fruta lortu dituela. ?Benetan ederrak zeuden 12 anana kaxa eskaini zizkidaten; bizikletan nindoan, eta begiratu eta barrez hasi ziren? esan zuen merkatariekin izandako lehen harremanari buruz.

Kontsumitzaileei saltzeko desegokitzat jotzen diren frutekin esperimentatu ostean, Whitehead-ek SpareFruit izeneko enpresa bat sortu zuen 2015ean. Enpresa horretan, sagar eta udare xerrak lehortzen ditu patata frijituen antzeko produktu bat sortzeko. Gero Snact-ekin bat egin zuen, antzeko fruitu lehorra egiten duen beste sozietate bat, zeina 2014an sortu baitzen mikro-mezenazgoaren bitartez 14.000 libera (17.000 dolar, 17.000 euro) lortu ondoren.

infobae.com