Argitalpeneko fitxa bakoitzean grafikoki adierazi dira proiektu bakoitzaren ingurumen arloko bideragarritasuna, bideragarritasun teknikoa, ekonomikoa, komertziala edo merkatukoa, argiago jakiteko non dauden I+G+B-ren oztopoak eta zeintzuk diren premiak.

Amaitutako proiektuen fitxak garatutako material, produktu edo zerbitzu berria hartuko duen sektoreari esleitu zaizkio, bigarren mailan utziz arazoa edo hondakina sortu deneko sektorea.

Fitxa bakoitzak informazio hau jasotzen du: proiektuaren izena eta akronimoa, testuingurua, helburua, lortu diren emaitzak (teknikoak, ingurumen arlokoak eta enpresaritza arlokoak), ondorioak eta hirugarrenentzat baliagarri izan daitezkeen ikaskuntzak.

Bederatzi sektore handien barruan, proiektuak alfabetikoki ordenatu dira proiektua sustatu duen enpresaren arabera. Horrez gain, kontuan izan behar da proiektuen % 30 baino gehiagotan badaudela beste bazkide industrial batzuk, eta ia proiektu guztiek barne hartzen dituztela agente teknologikoak, gehienak BRTA sareko edo Zientzia eta Teknologiaren Euskal Sareko Teknologi Zentroak. Horiek guztiak xeheki aipatzen dira fitxa bakoitzean.

ihobe.eus