Ondorioek erakusten dute Estatu kide gehienak aurrera doazela euren eraldaketa digitalean, baina teknologia digitalen -hala nola adimen artifiziala (AA) eta makrodatuak- txertatze-maila baxu samarra da oraindik enpresetan.Ahalegin handiagoa egin behar da bermatu ahal izateko erabat hedatuko dela zerbitzu eta aplikazio oso berritzaileek eskatzen duten konektibitate-azpiegitura (batez ere 5G).Eta ahalegin handiagoa egin behar da baita ere gaitasun digitaletan, hori ere beste arlo garrantzitsu bat baita.

Finlandia, Danimarka, Herbehereak eta Suedia dira oraindik ere EBko herrialde aurreratuenak arlo horretan.Halere, hainbat hutsune dituzte funtsezko gai hauetan: teknologia digitalen (hala nola AA eta makrodatuak) txertatze-maila baxua, %30etik behera baitago eta, beraz, 2030eko Hamarkada Digitaleko %75etik oso urrun; eta gaitasun digitalen eskasia, aurrerapen orokorra moteltzen ari dena eta bazterketa digitalera garamatzana.

Bada konbergentziarako joera positibo bat, EBk bere digitalizazio-maila hobetzen jarraitzen duelako, eta maila baxuagoekin hasi ziren Estatu kideak pixkanaka hobetzen doazelako azkarrago haziz.Zehazki, azken bost urteetan Italiak, Poloniak eta Greziak nabarmen hobetu dituzte DESI indizeko beren puntuazioak, konpromiso politiko handiagoko inbertsio sostengatuak eginez arlo digitalean,eta EBrenfinantzaketa ere baliatuz xede horretarako.

Ekonomia eta Gizarte Digitalen (DESI) 2022ko Indizean Espainia 7. postuan dago EBko 27 Estatu kideen artean.

2020an, EBko enpresen erdiak baino gehiagok (% 55) esan zuten zailtasunak dituztela IKTetan espezializatutako lanpostu hutsak betetzeko.Gabezia horiek oztopo garrantzitsuak dira EBko enpresen susperraldia eta lehiakortasuna bultzatzeko.Gaitasun espezializatu ezak ere oztopatu egiten ditu Itun Berdearen helburuak lortzeko EBren ahaleginak.Beraz, saiakera handiagoa egin behar da profesionalak birziklatzeko eta langileen gaitasunak hobetzeko.

Funtsezko teknologiak txertatzeari dagokionez, COVID-19aren pandemian enpresek konponbide digitalen erabilera bultzatu dute.Hala, lainoko konputazioaren erabilera %34ra iritsi da.Baina Adimen Artifizialaren eta makrodatuen erabilerari dagokionez, enpresek % 8 eta % 14ko portzentajeak baino ez dituzte lortu, nahiz eta helburua den % 75era iristea 2030erako. Funtsezko teknologia horiek izugarrizko potentziala dute berrikuntzarako eta eraginkortasuna hobetzeko, batez ere ETEen kasuan.Bestalde, EBko ETEen %55ak baino ez du oinarrizko digitalizazio-maila (helburua da % 90era iristea 2030erako), beraz, horrek esan nahi du enpresen ia erdiak ez dituela aprobetxatzen sektore digitalak eskaintzen dituen aukerak.Batzordeak gaur argitaratu du datuen ekonomiari buruz enpresen artean eginiko inkesta bat.

Berreskuratze eta Erresilientzia Mekanismoak, 127.000 milioi euro inguru bideratu dituenak arlo digitaleko erreforma eta inbertsioetarako, aukera paregabea eskaintzen du eraldaketa digitala azkartzeko, eta EBk eta Estatu kideek ezin dute galdu aukera hori.

cde.urg.es