Teknologia hori gero eta hurbilago dago enpresei esker; esaterako, Elxeko IE Innovation enpresak hainbat hilabete daramatza dispositibo sinple eta irisgarri bat garatzen, zeinari esker posible izango baita hiru dimentsioko irudiak zuzenean edo streaming bidez transmititzea.

Elxeko Miguel Hernández Unibertsitateko (UMH) Parke Zientifikoan sortutako enpresa honen helburua da objektu horiek hiru dimentsiotan irudikatzea, orijinalak bezala portatu daitezen eta, aldi berean, irudi horiek munduko beste toki bateko erabiltzaileei bidaltzea denbora errealean bistaratu ditzaten edo aukera izan dezaten editatzeko, manipulatzeko eta keinu bidez irudiekin elkarreragiteko.

Hasierako ideia argia zen, “modu erraz eta sinple bat deskubritzea edonor gai izan dadin objektu erreal bat atzemateko eta, gailu bat erabiliz, hiru dimentsiotan erreproduzitzeko beste toki batean” azaldu du Jesús Manzanera, IE Innovation enpresako administratzaileak. “Gaur egun ez dago antzekorik merkatuan”.

Kamera infragorri bat erabiltzen da objektu erreala hiru dimentsiotan atzemateko eta, gero, erreproduktore holografikoak “objektua atzematen du, geruzatan ebaki, eta geruza horiek erreproduzitzen ditu, sakontasun sentsazioa lortuz 3D betaurrekorik gabe”. Gainera, kamerak mugimenduak atzemateko sentsore bat du objektuekin elkarreragin ahal izateko.

elmundo.es