Gainera, jokoan dagoen aberastasuna kuantifikatu du. Aholkularitzak dio munduko BPGa zortzi bilioi dolar handiagoa izan litekeela konpainien pentsaera berritzailea %10 haziko balitz hamar urtean. “Datu horiek erakusten dute kultura berdinzalea lortzea ez dela bakarrik behar etiko bat, baizik eta negozio arloko lehentasun bat. Disrupzioaren aroan konpainiek ezin dute arrakastarik izan ez badituzte etengabe sortzen produktu, zerbitzu, eduki eta prozesu berriak” adierazi du.

Kultura korporatibo horrek, 2018an 40 adierazleren arabera definitu zenak, aukera ematen die langile guztiei aurrera egiteko. 27 herrialdetako 18.000 langileri eginiko inkestek eta 8 herrialdetako goi-zuzendaritza karguei eginiko elkarrizketek erakusten dute exekutiboen %95en iritziz berrikuntza funtsezkoa dela beren antolakundeen lehiakortasunerako eta negozioaren bideragarritasunerako. Era berean, %76k uste dute langileak motibatzen dituztela sormena sustatzeko.

Espainiaren kasuan, berdintasuna eta aniztasuna bultzatzen duten enpresetako langileen pentsaera sortzailea beste enpresetakoa baino zazpi aldiz handiagoa da. Hori lortzeko garrantzitsuena da lan-ingurune estimulagarri bat eskaintzea langileei, batik bat autonomia emanaz, hau da, izan dezatela askatasuna nahi bezala jokatzeko eta, orobat, erraztasunak emanaz bizitza profesionala eta familiako bizitza bateratzeko.

elpais.com