Adimen Artifiziala (AA) menperatzeko nazioarteko lasterketan parez pare daude jadanik Estatu Batuak eta Txina. Erraldoi asiarrak apustu irmoa egin du, bere asmoa baita mundu mailako lider bihurtzea “XXI. mendeko teknologia ahaltsuenaren arloan”, eta Estatu Batuetako enpresa teknologiko handiek bigarren postuarekin konformatu behar izan dute. Europa izan da emaitza txarrenak lortu dituena. José Antonio Gámezek, Nazioarteko Menéndez Pelayo (UIMP) Unibertsitateko Adimen Artifizialeko unibertsitate-masterraren koordinatzaileak gaztelaniazko MIT Technology Review aldizkariari esan dionez, “Europa Txinaren eta Estatu Batuen atzetik dago, bai argitalpen kopuruan eta bai teknologiaren garapen industrialean”.

Aurrerapen teknologikoen arloan atzean geratu den arren, Europak zeresana izan lezake beste arlo estrategiko batean, hain zuzen, adimen artifizialaren etikan. Tresna bat dugu eskuartean, gai dena desberdintasunetan oinarritutako gizarte bidegabeago bat sortzeko, ez bada diseinatzen oinarri etiko sendoen gainean. Horregatik, inoiz baino beharrezkoagoa da EBren baloreetan oinarritutako estrategia paneuropar bat.

Estatu Batuek -datuen sektoreko multinazionalen sehaska- engranaje perfektu batekin konektatzen dituzte ekimen publikoa eta unibertsitateetako ikerketa, eta jarduera pribatura eramaten dituzte.

Baina emaitza onak dituen arren, Txinak eskuinetik aurre hartu die AEBei. CBInsights plataformako datuen arabera, 2017an AAra bideratu zen finantzaketa pribatuaren ia erdia (%48) Asiara joan zen, zeinak lehenengoz aurre hartu baitzien (Westerheide aldizkariaren arabera) Estatu Batuei (%38) eta munduko gainerako herrialdeei (%13).

technologyreview.es