Urtero, WIPOk BERRIKUNTZAREN MUNDUKO INDIZEA argitaratzen du, munduko ekonomia berritzaileenak zein diren azaltzeko. Horretarako, 132 inguru ekonomiatako berrikuntzaren emaitzak sailkatu eta haien indarrak zein ahuleziak nabarmentzen ditu.

Erresuma Batuko Cambridgeko klusterra eta Estatu Batuetako Kaliforniako San Jose-San Franciscoko klusterra jarduera zientifiko eta teknologiko handiena dutenak dira biztanle-dentsitatearen proportzioan; eta, ondoren, Eindhoven (Herbehereak), Oxford (Erresuma Batua) eta Boston-Cambridge (Estatu Batuak).

Oraindik ere, zientziako eta teknologiako 100 kluster nagusiak hiru eskualdetan daude kokatuta, batik bat: Ipar Amerika, Europa eta Asia. Hala ere, funtsezko bi ekonomia dituzte helburu nagusi: Txina eta Estatu Batuak. Bigarren urtez jarraian, Txina liderra izan da, lehenengo 100 postuen artean talde gehien (26) dauzkana da-eta. Ondoren, Estatu Batuak (20), Alemania (8), India eta Koreako Errepublika daude, 4na talde dituzte-eta. San Jose-San Francisco AEBrako talde nagusia da; Munich, Alemaniarako; Bengaluru, Indiarako; eta Seul, Koreako Errepublikarako.

Aurten, lau kluster lehen aldiz sartu dira lehen 100 postuen artean: Kuala Lumpur (Malaysia) 93. postuan, Nanchang (Txina, 94), Kairo (Egipto, 95), Afrikako bertako kluster bakarra, Kunming (Txina, 98) eta Macao.

Erdi-mailako diru-sarrerak dituzten zenbait ekonomiak ere (Txina alde batera utzita) hazkuntza handia izan dute ekoizpen zientifiko eta teknologikoaren arloan. Hartara, Kairok (Egipto) hazkuntza-tasa handiena (%10,9) lortu du talde horrentzat; eta, gero, Chennaik (India) (%7,8) eta Istanbulek (Turkia) (%7,5).

100 talde nagusietan sartuta dauden PCT eskabide guztien erdiek teknologiako zazpi arlorekin daukate zerikusia. Honako hauexek dira arlo horiek:

• Teknologia informatikoa (%12)
• Komunikazio digitala (%11,5)
• Makinak eta tresna zein energia elektrikoak (%6,6)
• Teknologia medikoa (%6,5)
• Ikus-entzunezko teknologia (%4,7)
• Neurketa (%4,6)
• Farmaziako produktuak (%4,5)

Haietatik, 10 talde nagusiei dagokie kopuru guztiaren %65.

Ingeniaritza elektrikoaren arloetako PCT eskabideak Shenzhen-Hong Kong-Guangzhoun daude oso metatuta (talde guztiaren %70 eta, oro har, kopuru handiena ere bai), baita Beijingen (%70), San Diegon (%71) eta Seattlen (%72) ere.

wipo.int