Irailean gertakari historiko bat jazo zen: hidrogenozko autoa birsortu zen Espainian. Hyundai enpresak Nexo modeloaren lehen unitatea matrikulatu zuen eta errepidera eraman zuen autoarentzako teknologia perfektuaren eboluzioaren eredu hori. Garbietan garbiena da, ez baitu sortzen emisio kutsagarririk, eta behar den autonomia ematen du bidaia luzeetarako. Lehen begiradan ezin zaio akatsik atera hidrogenozko teknologiari. Depositua bera ere gasolina edo gasoliozkoa bezain azkar betetzen da ia: ez dira behar bost minutu baino gehiago.

Fabrikatzaile asko dabiltza esparru hori aztertzen eta Honda enpresa baikor azaldu da. John Kingston komunikazio korporatiboko arduradunak aurreratu du etorkizunean “auto elektrikoak erabiliko direla hirian eta inguruetan mugitzeko eta hidrogenoa erabiliko dela errepidezko bidaia luzeak egiteko”.

Marka japoniar horrek Clarity Fuell modeloaren aldeko apustua egin du: ia bost metroko luzera eta estetika futurista duen berlina bat da, dagoeneko AEBetan eta Japonian eskuratu daitekeena eta Europara 2020an iritsiko dena. Bestalde, Hyundai enpresak dagoeneko saltzen du Espainian Nexo modeloa: Tucson bat (4,67 metro) baino handixeagoa den SUV bat da, potentzia handikoa eta prestazio garrantzitsuak dakartzana. Bestalde, Toyota enpresak Mirai dauka salgai Europako hainbat herrialdetan. Modelo guztiak isilak dira eta ingurumena errespetatzen dute.

elpais.com