Digitalizazioak abiadura azkartu du, eta hala, udal agintariak bultzatu ditu epe luzeko estrategia politikoak sortzera.

Apenas bi urtetan, hiriek ikusi dute berrikuntzan gertatu diren aurrerapenak -eta, batik bat digitalizazio prozesua, hots, 4.0 Iraultza Industriala- hiritarren bizimoduetan txertatu direla, oso sakon txertatu ere, gaur egun ezinezkoa baitzaie euren bizipenak ulertzea espazio lokaletan gailu teknologikoren bat eskura izan gabe. Sakelakoak funtsezkoak dira eguneroko bizitzan eta hiriburuen bilakaeran.

Ez bakarrik informazioa ematen dutelako gurpildun trafikoari buruz edo lantokietara eta kultur- nahiz aisialdi-guneetara beren lehentasunezko garraio modalitatean iristeko ibilbide egokienei buruz, baizik eta baita ere funtsezkoak direlako osasun edo hezkuntza zerbitzuen datuak eskuratzeko edo azpiegitura-sareetako segurtasun alertak jasotzeko. Informazio kanal horiek milioika lagunek erabiltzen dituzte, eta azkarragoak eta eraginkorragoak bihurtu dituzte hiriko komunitatearen zerbitzuak.

Gaur egun, hiriek datuen erabilpenaren eta teknologia digitalaren inguruko esperientzia pilotu mordo bat jarri dituzte martxan, horrela hiritarrek gaitasun handiagoa izan dezaten udal zerbitzuei buruzko erabakiak hartzeko, eta azkarrago irits daitezen beren lehentasunetara.

Hiri Adimendunaren estrategiak hiritarrak jartzen ditu bere zentro neuralgikoan, eta ez teknologia. Digitala ibilgailua baino ez da.

Smartness delakoa ez da soilik interfaze digitalak instalatzea azpiegitura-sare tradizionaletan edo udal zerbitzuak arrazionalizatu eta sinplifikatzeko metodoak aplikatzea. Kontua da, batez ere, aurrerapen teknologikoak Big Data -bere baliabide indartsua- erabili behar lukeela hiritarren eta bisitarien bizi-kalitatea hobetuko duten erabakiak hartzeko.

Hasi arnasten duten airearen garbitasunetik eta kaleetako segurtasuneraino. Jonathan Woetzel-ek McKinsey Global Institute-ren (MGI) txosten batean azaldu du dagoeneko erabilgarri dauden edo laster erabiltzeko moduan izango diren teknologia adimendunek %30 hobetu ditzaketela alderdi hauek: osasun-larrialdietako desplazamenduak, kriminalitate-tasak, joan-etorrien denbora hirietan, CO2 isuriak edo ospitaleko arreta

estrategiasdeinversion.com