2020a hamarkada baten hasiera da eta, aurten, ispilu aurrean jarriko dira industriaren etorkizunari buruzko igurikipen asko, jakiteko industriek bete dituzten beren helburuak.

Edge

Denok uste genuen Cloud zela etorkizuna baina, itxuraz, Edge izango da. Dagoeneko ikusten hasi gara enpresek gehiago erabiltzen dituztela Edge eta bere analisi gaitasuna (Adimen Artifizialean oinarritua) datu garrantzitsuak lainora igo baino lehen. Adibidez, Edge teknologiekin posible da mantenimendu prediktiboa egitea edo kalitatea kontrolatzea denbora errealeko datu-analisiekin eta operatzailearen atzeraelikadura goiztiarrarekin.

5G

Hainbeste espero dugu teknologia honengandik, ezen enpresak dagoeneko elkarlanean hasi baitira 5G honen abantailak bereganatzeko, jauzi kualitatiboa izango baita latentziari eta banda-zabalerari dagokienez.

OPC-UA ... TSN

Apustu argi bat da komunikazio industrialak estandarizatu ahal izateko. OPC Unified Architecture (OPC UA) estandar independente bat da, makinen arteko datu-trukerako plataforma batean oinarritua dagoena.

Robotak, kakoak eta pintzak

Bada robotikaren inguruan sortzen ari den industria garrantzitsu bat: beso amaierako tresnena (EoAT). Izan daitezke pintzak, eusteko elementuak edota tresna desberdinak, automatizazioaren erronka gero eta handiagoei aurre egiteko gai izango direnak.

Mantenimendu prediktiboa

Mantenimendu prediktiboa -sentsore adimendunetan eta haien softwarean oinarritzen dena- oso garrantzitsua da industriarentzat, baliagarria baita eraginkortasuna hobetzeko ekipoen disponibilitatea hobetzen duen neurrian.

infoplc.net