Jarraipen-txosten honek xeheki azaltzen du JIEen papera, eta horretarako Europa osoko 127.000tik gora enpresako lagin bat aztertu du, jabetza intelektualeko eskubideak dituzten enpresen eta ez dituztenen egoerak alderatzeko.

Hauek dira azterketak barne hartzen dituen JIEak: patenteak, marka komertzialak eta diseinuak (edo hiruren arteko edozein konbinazio).

Bestalde, azterlan honek bere baitan hartzen ditu Estatuko eta Europako JIEak (hala, datuak hobeak dira), eta Europako zein Estatuko enpresa bakoitzaren JIE zorroaren ikuspegi osoago bat ematen du.

Hona hemen txostenaren ondorio batzuk:

• JIEak dituzten enpresak ez dituztenak baino handiagoak izaten dira, eta langile bakoitzeko dauzkaten diru-sarrerak % 20 handiagoak dira batez beste.
• Informazioa eta komunikazioa diraJIEak gehien baliatzen dituzten sektoreak (sektore horretako enpresen % 18k jabetza intelektualeko eskubideak dituzte), eta haien atzetik dator manufaktura industria.Zerbitzu profesionaletako enpresek ere (“profesionalak, zientzialariak eta jarduera teknikoak”) baliatzen dituzte JIEak (multzo honetako enpresen % 13k badu JIEren bat).

Nola lagineko enpresa gehienak ETEak diren, JIE jabeen herrialdekako banaketa orokorra ETEen emaitzen nahiko antzekoa da.Malta, Portugal, Txipre, Alemania, Austria, Espainia, Frantzia, Polonia eta Erresuma Batuko enpresek aukera gehiago dituzte JIEen jabe izateko.Herrialde horietako ETEen % 10ek baino gehiagok badutehiru JIE horietakoren bat gutxienez.

Txosten honetako analisiak baieztatzen du erlazio positibo estu bat dagoela jabetza intelektual desberdinen eta enpresaren jardunaren artean (enplegatu bakoitzeko diru-sarreren eta batez besteko soldaten arabera neurtuta).

ETEek dituzten oztopoen artean aipatzekoak dira JIEei buruzko ezagutza eza, erregistroak eta prozedurak konplexuak eta garestiak direlako pertzepzioa, eta eskubide horiek aplikatzeak duen kostu handia, ETEentzat karga bihurtzen dena (EUIPO, 2017).

epo.org