Era berean, Estatu mailan, Espainiak 15.572 milioi euro gastatu zituen I+G-ko jardueretan, BPGaren % 1,25 alegia.Aldiz, Europako batez bestekoa % 2,2an kokatu zen.

Halaxe dio Fedea Behatokiak duela gutxi aurkeztu duen txosten batek, zeinak oinarritzat hartzen baitituINEk 2019an I+G-ri eta berrikuntzari buruz eginiko inkestetako datuak (2020 amaieran argitaratu ziren). Informazio horrek ez ditu kontuan hartzen Covid-19aren pandemiaren ondorioak. Nolanahi ere, egileek diote, erregistratutako zifren arabera, Espainiako enpresen I+G-a oso toki txarrean geratzen dela nazioarteko alderaketetan.

Halere, azterlan honek orobat berresten du I+G-ko eta berrikuntzako adierazleak ez direla irten 2015ean abiatutakoberreskuratze-bide moteletik. Aurrerapen hori astirotu egin zen azken urtean, arlo horretako gastua % 4,2 bakarrik hazi baitzen 2018arekin alderatuta, hau da, azken bi ekitaldietan baino ia bi puntu gutxiago.

Era berean, txostenak agerian uzten du Espainiako I+G-ko gastuaren banaketa -sektore publikoaren eta pribatuaren artekoa- ez dela ohikoa herrialde aurreratuenetan.Nazioarteko helburua da ikerketaren heren bat Administrazioek egitea, eta gainerakoa enpresek.Aldiz, zentro publikoen gastuak pisu handia du oraindik Espainian, partida osoaren % 43,6koa hain zuzen, konpainiek jartzen duten % 56,4ren aldean.

Horrek esan nahi du Espainiako enpresek defizit handia dutela oraindik I+G-ko gastuan.

fedea.net