Hedabide desberdinek adierazi dutenaren arabera, dagoeneko sortu dira aurrean dugun arazoari aurre egiteko lehen elementu berritzaileak, eta hauek dira horietako batzuk:

Isolamendu-kapsulak

XE Medical Engineering konpainiak garatutako proiektu bat da, eta alderantzizko zentzuan funtzionatzen du, hau da, patogenoak (kasu honetan koronabirusa) ez dira irteten isolamendu kapsula horretatik kanpora, eta horrela murrizten da ospitaleetako langileak kutsatzeko arriskua.

Germenak harrapatzeko maskarak

Produktu hori Erresuma Batuan garatu zen eta, izenak berak dioen bezala, teknologia honen elementu garrantzitsuena da germenak harrapatzen dituela. Virustatic konpainiaren proiektu bat da, zeinak produkzioa aurreratu behar izan baitzuen 10 urteko garapenaren ostean. Funtsean, produktu hau hesi moduko bat da, birusa erakarri, harrapatu eta hiltzen duena gizakiaren begiak ikusi ezin dituen tanta ñimiñoetan sartuz.

Robot esterilizatzaileak

Danimarkako konpainia batek sortutako robot honek argi ultramoreak erabiltzen ditu birusak, bakteriak eta beste mikrobio kaltegarri batzuk hiltzeko eta ospitaleetako gelak desinfektatzeko, produktu kimikorik erabili gabe. Robot horrek eraginkorrago egin dezake ospitaleetako arreta, hori dela-eta robot horien eskaera asko hazi da azkenaldian.

Entregak egiteko robotak

Robotekin jarraituz baina kasu honetan osasunaz bestelako arlo batean, esan liteke etxerako entregak egiteko ekipoak direla errealitate bihurtu diren beste berrikuntzetako bat. Bereziki Txinan, merkataritza elektronikoko JD.com konpainia horrelako ente autonomoak erabiltzen hasi zen botikak, jakiak eta hornidurak entregatzeko Wuhan hirian, koronabirusaren agerraldiaren epizentroan. Industry Week aldizkariaren arabera, horrelako roboten laguntzarekin 100 milioi maskara entregatu ahal izan ziren 3 egunetan.

merca20.com