Robot mugikorren eta manipulatzaile mugikorren erabilerak Lantegi Adimendunak sortzeko behar den automatizazio industrial malgua eta autonomoa bultzatzen du. Lantegi Adimendunen aktibo garrantzitsuena informazio-trukeada, eta hori lortzeko azken teknologia adimendunak (hala nola Gauzen Interneta, Adimen Artifiziala edo Big Data) txertatu behar zaizkio robotikari.

Horri esker, posible da robot mugikor adimendunak, autonomoak eta kolaboratiboak erabiltzea, industria-prozesu eraginkorragoak sortzeko eta baliabideak hobeto erabiltzeko, eta horrek produktibitatea handitzen du, oro har.

IKTen eta teknologia adimendunen konbinazioak aro baten hasiera markatu du robotika mugikorraren sektorean, industria-aplikazioei ezaugarriak eta funtzionaltasunak gehituz eta lan-ingurune desberdinetara egokituz.

Horrek aldaketa esanguratsuak eragin ditu, adibidez, robotika eta manipulazio mugikorra erabiltzea pick&place zeregin logistikoetarako edo aplikazio industrialetarako, hala nola piezak elikatzeko, metrologiarako, kalitate kontrolerako, pieza handiekin lan egiteko, enbalajeetarako, garbitzeko, leuntzeko, torlojutzeko edo zulatzeko, halako zereginetan funtsezkoa baita ekintzen errepikagarritasuna eta uniformitatea kostuak aurreztu eta prozesuak azkartzeko.

interempresas.com