Orkestra-Lehiakortasunaren Euskal Institutuak SPRI Taldearekin lankidetzan egiten duen txosten bat da, zeinetan Euskadiren egoera aztertzen denkontuan hartuz ongizatea eta ekonomi- eta enpresa-jarduna, jakiteko zein ekintza abiarazi behar diren etorkizuneko lehiakortasunaren oinarriak finkatzeko, egungo ziurgabetasun egoeraz harago.

Orkestrak Euskadiko ekonomia eta enpresa arloko emaitzekin egin duen analisiak erakusten du ekonomia oso garai gorabeheratsuak bizitzen ari dela azken urteotan, eta argi-itzalez betetako irudi bat ematen du, zeinetan adierazle batzuek hobera egin duten (per capita BPGa, errentagarritasuna eta esportazioak) eta beste batzuek, aldiz, okerrera (berrikuntza eta ekintzailetza) krisiaren eraginez.

Ongizateari dagozkion emaitzek erakusten dute EAEko biztanleriak bere ongizateaz duen pertzepzioa positiboa dela.Halere, pandemiak eta egoera geopolitikoak eragin duten krisiaren testuinguru honetan, zenbait dimentsiok bilakaera negatiboa izan dute.

Txostenaren arabera, hauek dira Euskadiko lehiakortasunaren oinarriak: bere egitura ekonomiko-teknologikoa, bere sofistikazioa, egitura demografikoa eta gizartearen kultura eta baloreak.

Era berean, txostenak pertsonen baloreen analisi bat egin du lehenengoz, baloreek lotura handia dutelako gizarte baten ongizate-ereduarekin.

Egitura ekonomiko eta demografikoko aldaketek berekin dakartzaten erronkei aurre egiteko eta ziurgabetasun-ingurune honek eskatzen duen etengabekoegokitzapenerako gaitasuna hobetzeko, Orkestrak bost ekintza-ardatz transbertsal identifikatu ditu enpresen, gobernuen eta beste eragile batzuen jarduna gidatu behar duten lehiakortasun-palanken inguruan:

1. Industria-lehiakortasun jasangarri berri baten lidergoa sustatzea, ingurumenaren egiturazko erronkari erantzuteko.
2. Pertsonek lehiakortasunari eta ongizateari ekarpenak egiteko dituzten gaitasunak sendotzea, bat etorriz lurraldearen premia gorakorrekin.
3. Enpresen, Administrazioaren eta lurraldearen berrikuntza-kultura, gaitasuna eta orientazioa lantzea.
4. Ehun ekonomiko sofistikatua indartzea espezializazio-nitxo berrietarantz eboluzionatzeko, gaur egungo indargune industrialak oinarri hartuta.
5. Ekonomiaren eta gizartearen nazioarteko konektagarritasuna sakontzea, aukerak irekitzeko.

orkestra.deusto.es