“Pentsatzen dugu jendea elkarrekin komunikatzen dela eraikin edo kale berean bizi direlako, baina deskonexioa handia da zenbait tokitan, adibidez hiri handietan” dio Patricia Horrillok,Frena la Curva plataformaren sareetako arduradunak. Mapa hori joan den ostiralean argitaratu zen, eta astearte arratsalderako 1.400 argitalpen baino gehiago zeuden Espainia osoko probintzia desberdinetan. Gehienak Madrilen daude -400 inguru-. Atzetik jarraitzen diote Bartzelonak eta Zaragozak, bakoitza 100 proposamenekin. Plataforma honetara sartzeko bi modu daude: webgunea eta App Store (iOS) nahiz Play Store (Android) dendetan deskargatu daitekeen aplikazio bat.

Erabiltzaile batzuek laguntza eskaintzen dute, eta besteek eskatu. “Diabetikoa naiz eta kontrol-materialak jaso behar ditut osasun zentrotik”, dio Ana Cámarak eskaeretako batean. Madrileko kazetaria da, 56 urte ditu eta 80 urteko bere amarekin bizi da. Hilean behin joaten da bere osasun zentrora, erreakzio-banda eta orratz bila, odoleko glukosa-maila neurtzeko eta behar duen intsulina injektatzeko. Egunean 10 edo 12 bider erabiltzen ditu bandak. Baina orain ezin du joan osasun zentrora, diabetesa duten pertsonak arrisku kolektiboko kideak direlako. “Lau egunetarako bandak bakarrik dauzkat” dio Cámarak kezkaturik, eta eskaera bat argitaratu du plataforman, norbaitek materiala bertatik jasoko duen itxaropenarekin.

retina.elpais.com