Esaterako, FDAk (farmako eta elikadura produktuen zertifikazio-agentzia estatubatuarrak) aurten onartu du diagnostiko medikoak egiteko diseinatutako lehen AA: retinopatia diabetikoak detektatzeko test bat da eta diagnostikoak egin ditzake gizakiaren parte-hartzerik gabe.

Halere, hau hasiera besterik ez da. Osasun sektorea eraldaketa handi baten atarian dago, eta aldaketa prozesu horren eragileak dira adimen artifiziala, ikaskuntza automatikoa eta datu-iturri kopuru handi bat, hala nola: historial elektronikoak, genoma sekuentziatuak, gailu mugikorrak, sentsore integratuak edota paziente bakoitzaren fakturazio historiala.

Dagoeneko milaka konpainiak erabiltzen dituzte AA eta ML konponbideak pazientearen esperientzia hobetzeko. Adibidez, Zocdoc enpresak AA sistema bat darabil sinplea dirudien arren sarritan pazienteak zapuzten dituen arazo bat konpontzeko: aplikazio bat sortu du pazienteen txartelak eskaneatzeko eta jakiteko aseguru mediko bakoitzak zein espezialistaren zerbitzuak barne hartzen dituen. Deep Learning edo Ikaskuntza Sakoneko eredu batetik abiatuta, eta osasun txartel askorekin osatutako sare neural bat osatuz, Zocdoc-ek sistema bat sortu du txarteletik datuak atera eta datu horiek osasun aseguruetako datu-baseekin kontrastatzeko denbora errealean, horrela jakin baitaiteke estalita dagoen aseguru jakin bateko paziente batek medikuari egingo dion bisita.

interempresas.net