Zergatik? Onlineko retailer atariek arrazoi asko dituzte webetik kanpo presentzia eduki nahi izateko. Batetik, munduko B2C salmenten %85 salmenta fisikoak dira oraindik. Eta negozio digitala handitzen ari den arren, denda fisikoetako salmentak ere gora egin du.

PwC aholkularitzaren Global Consumer Insights 2019 txostenak -datozen asteetan argitaratuko denak- erakusten du kontsumitzaileen %24k erregularki erabili zutela sakelakoa erosketak egiteko 2018an (portzentaje hori %11koa zen 2014an). Horrez gain, kontsumitzaileen %49k oraindik ere erregularki erosten du denda fisikoetan (portzentaje hori %36koa zen 2014an).

Dendek aukera ematen diete kontsumitzaileei markarekin, produktuekin eta kulturarekin esperimentatzeko eta loturak sortzeko. Gainera, batzuetan azkarragoa da dendan erostea webean erostea baino. Saltoki digitalek badakite teknologia berriz hornitutako lokal bat edukiz gero posible dela bezeroen inpresioak erregistratzea, dendetan grabatutako bideo eta audioak aztertuz. Azkenik, denda tradizionalek produktuentzako banaketa-zentro funtzioa betetzen dute saltzaileentzat.

Natibo digital diren retailer atariek berezkoa duten espiritu aitzindaria aplikatzen dute mundu fisikoan ere. Bezeroen datuen kudeaketan duten espertise-ari eta teknologia erabiltzeko gaitasunari esker, modu berriak aurkitzen ari dira kontsumitzaileen esperientzia hobetzeko beren dendetan.

pwc.es