AEBetako eta Espainiako unibertsitateetako ikertzaileek lortu dute WiFi dispositiboek emititzen duten seinalearen energia atzematea eta argindar bihurtzea. Hiru atomo eskaseko lodiera duen nanomaterial bat erabiliz, antena bat diseinatu dute uhin elektromagnetikoak korronte zuzen bihurtzen dituena. Nahiz eta lortutako potentziak ez duen gainditzen mikrowatten rangoa, materialaren malgutasun mekanikoari esker eta milioika ordenagailu eta sakelako telefono Internetera konektatzeko behar diren seinale elektromagnetikoen omnipresentziari esker, apur bat hurbilago dago elektronika nonahi izateko ametsa. Hau da, hari gabeko seinale bakoitzetik argindarra lortzeko aukera.

Zientzialariek dispositibo berri bat sortu dute, zeina gai baita atzemateko WiFi seinaleak datuak transmititzeko edo atzemateko erabiltzen duen energia. Seinale hori norabide guztietara zabaltzen da, nahiz eta informazioaren jomuga puntu bakar bat izan. Gainerakoa galdu egiten da. Ikertzaileek antena berezi bat sortu zuten energia hori aprobetxatzeko (rectena edo antena artezlea), zeinak jasotzen baitu hari gabeko dispositiboek (router-ak, haririk gabeko sarbideak…) emititzen duten erradiazioa, eta baita ere WiFi seinalea darabilen edozein aparaturena, frekuentzia berberak baliatzen dituztelako (ordenagailu eramangarriak, telebistak, sakelakoak, tabletak…).

Arazoa da aireko energia hori korronte alterno gisa iristen dela antenara, eta zuzendu egin behar dela.

elpais.com