Hau da, katea ez da lineala, eta begi bakoitzak ez du harremana soilik bere aurrekoarekin edo ondorengoarekin; industria berri honetan, begi guztiak daude erlazionatuta eta konektatuta, eta horrela posibleda informazioa trukatzea elikagaien trazagarritasuna, segurtasuna, eraginkortasuna eta jasangarritasuna hobetzeko.

4.0 Industria kontzeptuaren funtsa da informazioa atzematea automatikoki eta modu adimentsuan, teknologia digital berrien bidez.Eraldaketa horri esker, informazioa azkarrago eskuratzeaz gain, aztertzeko gaitasuna irabazten dugu, eta horrela posible da ustekabeei aurrea hartzea eta, beraz, negozioaren kudeaketa hobetzea.

4.0 Industria antolakuntza-eredu berri bat da, Interneten zabalkunde geldiezinaren ostean iritsi den aldaketa disruptibo bat.

Ikusi dugun bezala, abantaila asko ekar dakizkioke elikadura-industriari, baina hala ere, oraindik ez da berdin inplementatu toki guztietan.Elikagaien eta edarien industria beti joan izan da beste sektore industrial batzuen atzetik (esaterako, industria farmazeutikoaren edo manufaktura industriaren atzetik) 4.0 lan-paradigma berrien ezarpenean. Arrazoiak dira, besteak beste, sektoreko enpresa gehienak txikiak eta ertainak direla, oso sektore atomizatua dela eta irabazi-marjinak txikiak direla, eta baita ere enpresa askok pentsatzen dutela eurentzat ezinezkoak diren inbertsio handiak egin behar direla 4.0 tresnak inplementatzeko.

Ulertu behar da kontua ez dela eremu guztiak erabat digitalizatzea ahalik eta azkarren, antolakunde bakoitzaren errealitateak erakutsiko baitu zein diren lehenetsi beharreko eremuak.Nolanahi ere, komeni da horrelako proiektuak abiaraztea, zeren hori ulertzen ez duten enpresak atzean geratu eta desagertzeko arriskuan egongo baitira.

revistaaral.com