Betebeharrak

a) Aurrez proiektua aurkeztu izana H2020 programaren ikerkuntza eta berrikuntza ekintza (RIA) edo berrikuntza ekintza (IA) tresna-modalitateetako batera.

b) Europako Batzordearen lehen ebaluazio-fasea gainditzea.

c) Bigarren fasea aurkezteko azken eguna laguntzaren eskaera egin ondorengoa eta hurrengo urteko abenduaren 1a baino lehenagokoa izatea.

d) Europar proiektua erakunde eskatzaileak koordinatuta izatea.

e) Kostu guztiak kontuan izanda, europar proiektuak 4 milioi eurotik gorako dimentsioa izatea.

f) Gutxienez Euskal Autonomia Erkidegoan (aurrerantzean EAE) kokatutako enpresaren baten parte-hartzea edukitzea, bai egoitza soziala EAEn dagoelako, bai H2020 programaren dirulaguntza objektu den proiektua EAEn kokatutako instalazio batean egingo delako.

Denbora eremua

Eskaera eragin duten proiektuak 2019 edo 2020 urtean hasi eta 2020. urtean zehar garatu beharko dira, eta 2020ko abenduaren 31rako burutuak egon beharko dira beti.

Erakunde onuradunak

Ekainaren 25eko 92/2019 Dekretuaren 4. artikuluan ezarritakoarekin bat etorriz, horretarako egiaztatutako Zientzia, Teknologia eta Berrikuntzaren Euskal Sareko eragile zientifiko-teknologikoek eskuratu ahal izango dituzte laguntza horiek, Zientzia, Teknologia eta Berrikuntzaren Euskal Sarearen osaera arautzen eta eguneratzen duen ekainaren 23ko 109/2015 Dekretuan ezarritakoaren arabera, honako kategoria hauetako batean, edota, aipatutako dekretu horren balizko aldaketetan ezarri daitezkeen kategorietan, eta 109/2015 Dekretua bigarren aldiz aldatzen duen irailaren 24ko 147/2019 Dekretuan ezarritakoarekin bat eginez, hauek dira laguntza horiek jaso ditzaketen kategoriak:

a) Unibertsitateen ikerketa-egiturak.

b) Oinarrizko eta Bikaintasuneko Ikerketa Zentroak.

c) Ikerketa Sanitarioko Zentroak (ISZ).

d) Osasun-arloko I+G erakundeak.

e) Zentro teknologikoak.

f) Ikerketa Kooperatiboko Zentroak (IKZ).