Xedea

Xede hori BDIHko edo aukeratutako nazioarteko DIHko eragileek eskainitako laguntza tekniko baten bidez gauzatuko da, zenbait nodok eskaintzen dituzten teknologia digitalak eta jasangarriak xurgatzeko gaitasuna areagotzeko aukera emango duen ekintza-plan bat edo kontzeptu proba bat egiteko. Hauek dira aipatutako nodo horiek: robotika malgu eta kolaboratiboa, fabrikazio gehigarria, material aurreratuak, zibersegurtasuna, makina adimendun eta konektatuak, sare elektriko digitalak eta gailu medikoak eta osasun digitala, lehen aipatu ditugun azpiegituretan gauzatzekoak.

Helburua

Helburu hau BDIHko edo aukeratutako nazioarteko DIHko eragileek eskainitako laguntza tekniko baten bidez gauzatuko da, zenbait nodok eskaintzen dituzten teknologia digitalak eta jasangarriak xurgatzeko gaitasuna areagotzeko aukera emango duen ekintza-plan bat edo kontzeptu proba bat egiteko. Hauek dira aipatutako nodo horiek:

• Robotika malgu eta kolaboratiboa
• Fabrikazio gehigarria
• Material aurreratuak
• Zibersegurtasuna
• Makina adimendun eta konektatuak
• Sare elektriko digitalak
• Gailu medikoak eta osasun digitala,

Ekintza horiek emaitzara irekitako metodologia bati jarraituz gauzatuko dira, enpresek aukera izan dezaten zentroek zer-nolako laguntza ematen dieten erabakitzeko; era horretan, eskaintzen diren aktibo eta zerbitzuen nahiz enpresen eta haien beharrizanen arteko egokitzapena hobea izango da.

Erakunde onuradunak

Programa honetan jasotako laguntzak eskuratu ahal izango dituzte industria arloko enpresek eta produktu-prozesu industrialekin lotutako zerbitzuak eskaintzen dituzten enpresek

Diruz lagundu daitezkeen jarduerak

Diruz lagundu daitezkeen jardueratzat hartuko dira industria arloko enpresek eta produktu-prozesu industrialekin lotutako zerbitzuak eskaintzen dituzten enpresek gidatutako laguntza teknikoa emateko proiektuak, honako hauetarako aukera ematen badute:

• Teknologia digitalak eta jasangarriak xurgatzeko gaitasuna areagotzen duen ekintza-plan bat egitea, eta/edo.
• Horien kontzeptu-proba bat egitea.

Proiektu horien gauzatzea 2022ko abenduaren 20a baino lehen amaitu behar da. Proiektuak, halabeharrez, honako teknologia hauek txertatzeko kontzeptu-proba bat diseinatzera bideratuta egongo dira:

• Robotika malgua.
• Fabrikazio gehigarria.
• Zibersegurtasuna.
• Makina adimendunak eta konektatuak.
• Material aurreratuak.
• Sare elektriko digitalak.
• Gailu medikoak eta osasun digitala.