Erakunde onuradunak

ETEak (pertsona fisiko eta juridikoek)

Diruz lagundu daitezkeen jarduerak

1.– lerroko proiektuetan (SOC zerbitzua enpresa txiki eta ertainentzat):

a) SOC zerbitzuak kontratatzea eta martxan jartzea.

b) SOC zerbitzuek xede hauek dituzte:

• enpresen IT (informazioaren teknologiak) / OT (eragiketen teknologia) azpiegitura zaintzea eta monitorizatzea;
• azpiegituran suertatzen diren jokabide edo gertaera susmagarriak detektatzea eta haiei erantzutea;
• zerbitzuen hornitzaileek bideratutako arintze-ekintzak egitea.

c) SOC zerbitzua martxan jarri eta abian egoteko gastuak ordainduko dira, 12 hilabetez asko jota.

2.– lerroko proiektuetan (pentesting-zerbitzua eta ziurtagiriak enpresa txiki eta ertainentzat):

a) Ziurtagiri bat bete edo lortzeko jarduketak, zibersegurtasuneko arau, eskema edo estandar batean.

b) Diruz lagundu daitezkeen jarduerak honelakoak izango dira:

• pentesting-zerbitzua: sistema informatiko edo sare baten zaurgarritasunak identifikatzea eta segurtasuna ebaluatzea;
• ekintza-plan bat definitzea, ziurtagiri bat lortzeko ezarri behar diren jarduketen multzoa barne hartzen duena.
• aurre-auditoretzak egitea, ziurtatu beharreko sistema edo prozesuen egoera ebaluatzeko;
• ziurtagirien auditoretza-prozesua, ziurtagiria ematea eta jarraipenaren auditoretza.

c) Jarduketen gastuak ordainduko dira, baldin eta frogatuta badago garrantzitsuak direla egokitzelana egiteko edo ziurtagiri bat lortzeko zibersegurtasuneko arau, eskema edo estandar baten barruan, eta, asko jota, 12 hilabetez.

d) Kontuan hartzen diren arau, eskema eta estandarren artean hauek daude:

• ISO 27001: informazioaren segurtasuna kudeatzeko sistemak.
• ISO 27701: informazioaren pribatutasuna kudeatzeko sistemak.
• Europrivacy.
• IEC 62443: kontrol eta automatizazio industrialeko sistemen segurtasuna.
• Segurtasuneko eskema nazionala.
• UNECE/R155: zibersegurtasunaren kudeaketa ibilgailu automotorretan
• TISAX: informazioaren segurtasuna ebaluatzea automobilgintzako hornikuntza-katean
• ISO 22301: negozioaren jarraitutasuna kudeatzea, egoera katastrofikoei aurre egitek
• 2019/881 Erregelamendua (EB): zibersegurtasuneko ziurtagirien Europako borondatezko esparrua, IKT produktu, prozesu eta zerbitzuetarako
• Beste arau, eskema edo estandar batzuk, enpresen produktuen edo prozesuen zibersegurtasuna hobetzeko xedea dutenak, edota askotariko erregelamendu, zuzentarau edo araudi orokor zein sektorialak betetzera bideratuta daudenak