2023ko lehenengo seihilekoan, Bizkaia nabarmen hazi da patente nazionalen eskabideetan, eta behera egin du diseinu industrialean nahiz erabilgarritasun-ereduetan. Azken horretan, gainera, oso handia izan da beherakada hori.

Bestetik, Euskal Autonomia Erkidegoko datuen arabera, agerikoa da igoera txikia izan dela patente nazionalen eskabideetan, baitaerabilgarritasun-ereduen zein marka nazionalen eskabideetan ere. Edonola ere, diseinu industrialeko eskabideei dagokienez, egiaztatu egiten da jaitsiera txikia izan dela.

PATENTE NAZIONALEN ESKABIDEAK

2023. urteko lehenengo seihilekoan, Bizkaia da patente nazionalen eskabide gehien dauzkan lurraldea, eta, horrez gain, gora egin duen lurralde bakarra da. Izan ere, 13 eskabide egon dira guztira, 2022ko lehenengo sei hilabeteetan halako bi, nahiz eta 2020an lortutako 20etatik urrun geratu.

Euskal Autonomia Erkidego osorako datuen arabera, zertxobait igo da, 26 eskabide egon direlako, hau da, 2022ko epealdi berean baino 3 gehiago, baina 2020ko 42etatik urrun. Euskal Autonomia Erkidegoko patenteen eskabideen kopurua Estatukoen %4,5ekoa da guztira.

DISEINU INDUSTRIALEKO ESKABIDEAK

2023ko lehenengo seihilekoan Bizkaian egindako diseinu industrialeko eskabideei dagokienez, guztira 15 egin direnez, beherakada 5 eskabide gutxiagokoa izan da, 2022ko epealdi berean lortutako kopuruaren aldean.

Balio horiek kontuan hartuta, Euskal Autonomia Erkidego osoan, eskabide horiek zertxobait jaitsi direla ikusten da, 29 eskabide egin direlako guztira (2022ko lehenengo seihilekoan baino bat gutxiago). Hori dela eta, 8. postuan geratu da, bertako kopurua Estatu osoan egindako diseinu industrialeko eskabideen %3,6koa izan da-eta.

ERABILGARRITASUN-EREDUEN ESKABIDEAK

Erabilgarritasun-ereduei dagokienez, Bizkaiak 37 eskabide zeuzkan arren, 2023ko lehenengo seihilekoan 25 izan dituenez, 2021eko epealdi berean lortutako kopuru bera eduki du.

Euskal Autonomia Erkidego osoan, 2020ko jaitsieraren ondoren, adierazle hori hazi egin da berriro, eta eskabideen kopurua 65etik 71ra igo da erabilgarritasun-ereduetan, hau da, 2022an baino sei gehiago. Kopurua, beraz, Estatuko erabilgarritasun-ereduen eskabideen %5,0koa izan da guztira.

MARKA NAZIONALEN ESKABIDEAK

Marka nazionalen eskabideei dagokienez, 2023ko lehenengo seihileko datuen arabera, euskal lurraldeen artean, Bizkaia da oraindik ere marken eskabide gehien dituena, 522 dauzkalako guztira (2022an baino 88 gehiago). Kopuru hori Euskal Autonomia Erkidego osoko marken eskabideen erdia baino gehixeagokoa da.

Datu horien ondorioz, Euskal Autonomia Erkidego osoan gora egin duenez, 942 marka-eskabide egon dira, 2022ko epealdi berean baino 122 gehiago, alegia. Euskal Autonomia Erkidegoan egindako marken eskabideen kopurua Estatuan egindakoen %3,7koa da guztira.