4.0 Industria, funtsean, ekoizpen-prozesuak digitalizatzea da, eraginkorragoak izan daitezen.Horregatik, teknologia horiek industrian integratzen direnean, helburu nagusia izaten da produktibitatea hobetzea, kostuak murriztea, salmentak handitzea...Halere, 4.0 Industriako teknologiek eragin handia dute jasangarritasunean eta ekonomia zirkularrean, eta alderdi horiek ez dira sakon aztertu.

Oro har, “emaitzek erakusten dute 4.0 Industriako teknologiek askotariko eraginak dituztela enpresetan, eta eragin horiek lagungarriak direla ekonomia zirkularra hobetzeko.Hobekuntza horiek erlazionatuta daude, nagusiki, material eta energia kontsumoen murrizketarekin eta hondakin eta emisioen sorkuntzarekin”.

Halaber, “Gauzen Interneti (IoT) esker, posible da ekoizpen-prozesu osoa ikustea denbora errealean eta leku bakar batean, eta berdin makinen funtzionamenduarekin.Adibidez, posible da makina baten bizi-zikloa luzatzea oliorik gabe geratzen ari dela adierazten duen sentsore baten laguntzaz”, azaldu dute ikertzaileek.

Bestalde, “Adimen Artifiziala gai da kalitate-zehaztapenak betetzen ez dituzten produktuak askoz lehenago detektatzeko; horrela, materialean aurrezten da, eta ondorengo operazioen gastuak murrizten dira”, gehitu du Iker Laskurainek.

Horrenbestez, posible da 4.0 Industria lerrokatzea produktuen bizitza luzatzeko eta aukera berriak sortzeko beharrarekin eta ekonomia zirkularra ahalbidetzea.

ehu.eus