Estatu Batuak liderrak dira AAko eredu nagusien iturri moduan, instituzio estatubatuarretan sortutako 61 eredu nabari daude-eta. Hori dela eta, modu nabarmenean gainditu dituzte Europar Batasuneko 21ak eta Txinako 15ak. OpenAI, Google eta Anthropic erraldoi teknologikoak, esaterako, aurrerakuntza azkar horretako abangoardian daude.

Sistema horiek ere kezkak sorrarazten dituzte betearazteko orduan behar diren energiaren eta uraren erabilera intentsiboaren inguruan. Horrez gain, kalitate handiko entrenamendu-datuen eskaera gero eta handiagoa denez, baliteke hurrengo urteetan hornikuntzak agortzea.

Oraintsuko azterlanetan iradokitzen denez, AA langileen emankortasuna eta haien lanaren kalitatea hobetzen ari da. Sistema horiek prestakuntza-maila urriko eta handiko langileen trebetasunen artean dagoen arrakala ixteko ahalmena ere badaukate, gainera.

Zenbat eta ahaltsuagoa eta nonahikoagoa izan adimen artifiziala, orduan eta kezka etiko gehiago sortzen dira bere garapenaren eta erabileraren inguruan. Lengoaia-eredu handien (LLM) erantzukizunari buruzko ebaluazio sendorik eta estandarizaturik ez dagoenez, AAko eredu nagusien arriskuak eta mugak modu sistematikoan erkatzeko egindako ahaleginak zailtzen dira.

Stanfordeko “Artificial Intelligence Index Report 2024” txostenean azpimarratzen denez, honako hauexek dira AAko aurrerakuntza azkarrekin batera gero eta gehiagotan sortzen diren arrisku eta erronka horiek:

• Ez dago behar besteko ebaluazio sendo eta estandarizaturik, adimen artifizialeko ereduen erantzukizuna eta segurtasuna bermatzeko.
• AAren garapenarekin eta erabilerarekin lotutako kezka etikoak sortzen dira, ustezko alborapenak, pribatutasuna, gardentasuna eta enpleguan daukan eragina kontuan hartuta.
• AAko eredu aurreratuen kostu eta eskakizun energetikoak handiak direnez, jasangarritasunari eta irisgarritasunari buruzko galderak sortzen dira.

Gero eta handiagoak diren arrisku horiek jorratzeko orduan, honako hauxeizango dafuntsezkoa:

• Jarraibide etiko sendoak garatzea.
• Ikuskaritza arautzailea handitzea.
• Industriaren, akademiaren eta arduradun politikoen arteko lankidetza handiagoa sustatzea.

infobae.com