Horrela, hegazkineratzeko txartela edo pasaportea erakutsi beharrean, nahikoa izango duzu AEBetako Aduana eta Mugak Babesteko Bulegoarekin konektatutako kamera baten aurretik pasatzea, zure identifikazioa gordeta egongo delako lehenago egin dituzun bidaietatik. Segundo bat baino gutxiago beharko da zure identitatea egiaztatzeko, eta egiaztatutakoan ate automatiko bat irekiko da eta horrela hegazkinean sartu ahal izango zara.

JetBlue aire-lineak erabaki zuen Joby Aviation konpainian inbertitzea, zeina bertikalean aireratu eta lurreratzeko ibilgailu elektrifikatuak (VTOL) eraikitzen ari baita, Uber hegalariak bezalakoak, hemendik urte gutxi batzuetara inplementatzeko.

Urtebete inguru duen Skyhour proiektuak, JetBlue aire-lineako Christina Heggie-ren zuzendaritzapean dagoenak, hegaldietarako opari-txartel bat eskaintzen die bidaiariei: 60 dolar ematen ditu hegaldi batean igarotako ordu bakoitzeko, 350 aire-linea baino gehiagotan alda daitezkeenak webgunearen jabe den erreserba-plataformaren bitartez. Hegaldiak gutxiago balio badu zure “hegaldi orduek” baino, orduan aldea akreditatuko zaizu zure kontuan.

Lufthansa konpainian, maletak galtzen dituen bezeroak barkamen eskaera proatkibo eta automatiko bat jasoko du aplikazio mugikor baten bitartez, demagun, hiru hilabeteko harpidetza dohainik Netflix-en. Gero, egun horretan bertan erositako arroparen erosketa-txartelak kargatu ahal izango ditu eta konpainiak berehala itzuliko dio dirua.

eleconomista.es