Enpresa eta Ezagutza Sailak jakinarazi duenez, gailu hori integratu daiteke edozein eratako oihaletan, hala nola, suhiltzaile, kirolari edo industriako langileen arropak egiteko erabiltzen direnetan, edo baita ere ospitaleetako materialean, esaterako izaretan edo apositu kirurgikoetan.

Proiektu hau ehun funtzionalen diseinu eta garapenean oinarritzen da, eta ehun funtzional horiek hozte-sistema aktibo bihurtzen dira bilgarri batzuen bidez.

Partzuergoak gailu termoelektriko bat sortu du, edozein ehunetan integratzen dena tenperatura automatikoki kontrolatu ahal izateko, funtzionatzeko energia ematen dion bateria batera konektatzen den sistema batekin. Hala, ez dago korrontera konektatu beharrik, eta erabiltzailea arazorik gabe mugitu daiteke.

Sistemak badauzka tenperatura-sentsoreak, potentzia kontrolatzeko elementuak eta beroa disipatzen duen aireztatze-sistema bat ere bai, horrela bermatzeko hotza ondo banatzen dela eta eraginkortasunez funtzionatzen duela.

Gainera malgua da, eta edozein ehun eta formatara egokitu daiteke.

lavanguardia.com