Bizkaiko Foru Aldundiak eta Bilboko Merkataritza Ganberak NORABIDEA-2020 txostena egin dute Barrixe-Berrikuntzaren Behatokiaren bitartez, Bizkaiko enpresetako berrikuntza jarduera aztertzeko. Bertan bildutako datuen arabera, eta kontuan hartuta enpresen arteko lankidetzari ematen zaion definizioa (elkarrekiko independente diren bi enpresa edo gehiagoren arteko akordio bat, zeinaren bidez enpresekbat egiten baitute proiektu bat garatzeko helburu komun batekin, xedea delarik euren gaitasunak handitzea, baina bakoitzak bere independentziari eutsiz), ikusten daBizkaiko enpresen % 38,5 lankidetzan aritu direla 2019an. Horrelako lankidetza-akordioak gauzatzen dituzten enpresen tasa aurreko hiru ekitaldietakoen parekoa da (2016, 2017 eta 2018), eta egonkor mantendu da 2019an, beraz, ondoriozta dezakegu lankidetza ohikoa dela enpresen funtzionamenduan.

Orokorrean, merkatua da Bizkaiko enpresak lankidetzara bultzatzen dituen eragile nagusia.Lankidetza-proiektuetan parte hartu duten enpresen % 48,5ek merkatuko arrazoiengatik egin dute.Bigarrenik,ezagutzari lotutako arrazoiak daude (% 44) eta hirugarrenik, berriz, arrazoi ekonomikoak edo kostuari lotutakoak (% 38,3).

Lankidetzaren praktika aztertuz gero, ikusten da horrelako akordioak sektore bakoitzaren barruan gertatzen direla nagusiki.Hala, enpresen % 67,9k esan dute sektore bereko beste enpresa batzuekin kolaboratu dutela, hori delarik gehien baliatzen den aukera.

Atzetik datoz beste sektore batzuetako enpresekiko lankidetzak (% 25,4) eta ekipo edo teknologia hornitzaileekin egiten direnak (% 25,2).Bezeroekiko lankidetzak % 24,4ko portzentajea erdietsi du, eta Teknologi Zentroekin edo Ikerketako Organismo Publikoekin eginikoak % 19,5ekoa.Unibertsitateekiko lankidetzaurriagoa da (% 9,8).

Hauek dira lankidetzaren helburu garrantzitsuenak:

• Produktu edo zerbitzu berriak edo hobetuak diseinatu eta garatzea (% 41,6).
• Produktu edo zerbitzu berrien kontzeptuak eta ideiak sortzea (% 35,3).
• Merkatu berriak garatzea (% 29,4).

Azerago kokatzen dira garrantzia hartu duten beste bi helburu: aukeren zaintza eta identifikazioa (% 18,8) eta produktu berrien fabrikazioa (% 18,7).

Enpresek lankidetzan jarduteko egin duten ahaleginak bere emaitza eman du, eta arrakasta-mailaoso handia da.Oro har, enpresen datuek erakusten dute gainditu edo ase egin direlalankidetzaren helburuak.Hala, lankidetzan diharduten enpresen % 49,5ek aurreikusitako helburuak lortu dituzte, eta % 11k gainditu egin dituzte.Soilik enpresen % 1,7k adierazi du ez dituela lortu esperotako helburuak.

2019an lankidetzan aritu ez diren enpresei dagokienez, gehienek esan dute ez dutela izan horretarako premiarik (% 75,4), eta horixe da atzeratzen dituen arrazoi nagusia.

Gainerako arrazoi guztiek askoz pisu gutxiago dute,hona hemen nabarmentzeko moduko batzuk:

• Ezagutza indibidualki kudeatzen da eta ez da partekatzen (% 10,4).
• Antolakundearen zurruntasuna (% 5,3).
• Bazkideak aurkitzeko zailtasunak (% 4,2).
• Konfiantza eza (% 3,2).
• Kostu ekonomiko handia (% 2,2).

TXOSTENA: Bizkaiko enpresen lankidetza eta berrikuntzarekin duten lotura - 2020

Norabidea 202