Blockchain teknologia darabilen ekimen honekin posible izango da plataformara sartzea munduko edozein tokitatik eta denbora errealean, eta baita ere hidrogeno berdeko energia garbiaren balio-kate osoa bistaratzea eta egiaztatzea, sorkuntzatik garraioraino.Era berean, kontsumitzaileek euren energia-kontsumoaren deskarbonizazioa kuantifikatu, erregistratu eta monitorizatu ahal izango dute.

Gainera, Acciona -k gogorarazi du GreenH2chain plataformak informazio guztia ematen duela “erabiltzaileek egiten duten kontsumoari buruz, bai eta energia garbia erabiltzeagatik atmosferara isuri ez den karbono dioxidoa (CO2) kuantifikatzeko behar diren datuei buruz”.

Gorago aipatu bezala, Blockchain plataforma hau Power to GreenHydrogen proiektuan txertatuko da, zeina bereziki diseinatu baita hidrogeno berdean oinarritutako ekosistema bat sortzeko Mallorcan. Gainera, konpainiak tresna hauxe erabiliko du hemendik aurrera hidrogeno berriztagarria sortzeko garatzen dituen proiektu guztietan.

innovaspain.com