Errepide hori arrapalekin konektatuko litzateke hiriko toki garrantzitsuetara, esaterako merkataritza-guneetara edo metro geltokietara, hiriko trafikoak eragindako pilaketak saihesteko. Errepide nagusia baino metro batzuk gorago beste bide bat eraikiz gero, trafiko gaitasuna handitzen da.

BMW enpresak dio alternatiba perfektua dela egunero 15 kilometroraino egiten dituzten erabiltzaileentzat. Gainera, sortzaileek uste dute bidea seguruagoa izango dela, ez delako arriskurik izango ibilgailu handiagoen kontra (bi gurpil baino gehiago dituztenak) talka egiteko. 25 kilometro orduko abiadura muga izango luke. Trafikoa errei-sistema baten bidez banatuko litzateke: gurutzaldi-abiaduran bidaiatzen dutenak, batetik, eta irteeraren bat hartu nahi dutenak bestetik.

Errepideak sabaia izango luke, alegia, babes bat euriarentzat eta beroarentzat. Behar bezala aireztatuta egongo litzateke, euri-ura hoztu eta errepideari tenperatura egokia emateko sistema bati esker. Gainera, sistema horrekin posible izango litzateke gauez errepidearen gainazala garbitzea. Asmoa da baita ere ibilgailu propiorik ez duen jendeari aukera ematea ibilgailu partekatua erabiltzeko, zeina bidera sartzeko puntuetan alokatuko bailitzateke.

20minutos.es