Badauzka ukimenezko botoiak kontrolatzeko, eta baita ere haririk gabe kargatzeko sistema bat eta, zalantzarik bazegoen ere, iragazgaitza da.

Iturgintzako produktuen Kohler enpresak dutxarako buru berezi bat diseinatu du, ahots-laguntzaile bat integratu dezakeena, eta merkatuan jarri du 60 eurotan.

Konpainiak aurreikusten du asmakizun hori urte honetan zehar aterako dela merkatura, baina dagoeneko jarri dio prezioa produktuari. Dutxako buruak 60 euro inguru balioko ditu bozgorailurik gabe, eta bozgorailuaren bluetooth modelo bat erosi ahal izango da 90 eurotan edo Alexa dakarren bertsio bat 140 eurotik hasita. Lehenak zazpi ordurainoko autonomia du, bozgorailu adimenduna, berriz, bost orduraino egon daiteke martxan.

Kohler eginahalak eta bi egiten ari da Alexa erabil dezagun bainugelako intimitatean ere, eta dutxarenak konbentzitzen ez bagaitu, agian lortuko du beste nolabait. Enpresa horrek komunerako argidun ispilu bat aurkeztu du aste honetan Las Vegasen egiten ari den CES 2020 azokan (kontsumoko elektronikaren azoka handiena). Produktu horrek integratuta dauka Amazon-en laguntzaile birtualaren teknologia, eta aukera ematen die erabiltzaileei erosketak egiteko, musika jartzeko, trafikoaren egoera ezagutzeko edo eguraldiaren berri izateko.

elpais.com