Bestalde, inkestari erantzun dioten eta berrikuntza-jardueraren bat egin duten enpresa esportatzaileen % 32,9k neurtu eta zehaztu egiten dute fakturazioaren zein portzentaje datorren inplementatu dituzten berrikuntzetatik.

Berrikuntzaren esperientziak balantze positiboa du enpresa esportatzaile gehienentzat.% 65,1ek baieztatu dute inplementatutako berrikuntzek guztiz edo nabarmen bete dituztela finkatutako helburuak (portzentaje hori txikiagoa da enpresa guztiak kontuan hartuz gero: % 62,1), eta % 10,6k uste dute berrikuntzek arrakasta izan dutela.Gainera, porrotaren pertzepzioa oso txikia da, zeren hamar enpresa esportatzailetik bik baino ez baitute uste horrelako ekimenak porrota izan direnik edo uste baino gehiago urrundu direnik espero ziren emaitzetatik.

Hauek izan dira enpresa esportatzaile berritzaileek garatutako berrikuntzen ondorio garrantzitsuenak: fakturazioa, marjinak edo irabazi garbiak handitzea (% 80,3), ondasun edo zerbitzuen kalitatea hobetzea (% 79,5), merkatu berrietara sartzea (% 77,2) eta produktu- edo zerbitzu-sorta zabaltzea (% 75,9).

Zalantzarik gabe, enpresek baloratzen dute laguntza publikoen garrantzia berrikuntzak txertatzeko orduan.Enpresen % 37,8k diote laguntza publiko edo babesen bat jaso dutela jarduera berritzaileak egiteko.Portzentaje hori ia erdira jaisten da Bizkaiko enpresa guztiak kontuan hartuz gero (% 18,9).Era berean, esportatzen duten konpainien % 34k uste dute laguntza publikoak erabakigarriak direla euren berrikuntza proiektuak garatzeko, eta % 26,6ren iritziz, erakundeen laguntza “pizgarri” bat da eta baliagarria proiektua azkartzeko.

Bizkaiko enpresa esportatzaile gehienek etengabe berritzen dute, ekonomi eta finantza testuingurua gorabehera, eta etorkizunerako aurreikuspenei dagokionez, aipatu dute asmoa dela jarduera mantentzea eta zenbait kasutan helburu handiagoak finkatzea, batik bat produktu edo zerbitzuen, prozesuen eta marketin eta merkaturatzearen berrikuntza arloetan.

Bestalde, enpresentzat hauek dira ekimen berritzaileak garatzeko oztopo garrantzitsuenak: merkatuak ez du ematenaukerarik edo ez du eskatzen; kostua handiegia da; eta enpresek ez dute behar besteko antolakuntza-gaitasunik.

norabidea2020