Barruko I+Gn 20.804 pertsona aritu ziren Dedikazio Osoko Baliokidetzan (DOB) 2021ean, aurreko urtean baino % 6,6 gehiago. Era berean, ikertzaileak ere, 14.367 pertsona dedikazio osoko baliokidetzan (DOB), % 5,4 hazi dira.

Euskal AEko barne I+G gastuaren % 77,4 enpresen sektoreak egin zuen

Barneko I+Gko gastuaren egikaritze-sektoreari dagokionez, gehienak, % 77,4 (1.275,2 milioi euro), enpresek egin zituzten; % 16,2 (267,1 milioi) goi-mailako irakaskuntzak, eta gainerako % 6,4 (104,7 milioi) administrazioaren mendeko zenbait erakundek. 2020aren aldean, enpresek % 11,6 gehitu zuten I+G gastua, % 18,6 Administrazioaren mendeko erakundeek eta % 3,2 Goi-mailako Irakaskuntzak.

Barneko I+Gko gastuaren betearazpenaren sektore-banaketa nahiko egonkorra izan da azken urteotan. Aurreko urtearen aldean, hiru sektoreetatik bik, Enpresek eta Administrazio Publikoak, ehuneko 0,7 eta 0,4 puntuko igoera izan dute barne I+Gko guztizko gastuan, hurrenez hurren, eta Goi Mailako Irakaskuntzak ehuneko 1,1 puntu egin du behera.

I+Gko langileen % 36,2 emakumeak ziren 2021ean

2021ean, dedikazio osoko I+Gko langile guztien % 36,2 emakumeak ziren. Horrek esan nahi du % 5,7ko igoera izan dela 2020an I+Gn lan egiten zuten emakumeen kopuruarekin alderatuta, eta 7.534 emakume izatera iritsi dela. Egia da langileen guztizkoan duen pisua hiru hamarren jaitsi dela, denbora-ikuspegi zabalago batetik, baina ehuneko 3,1 puntu igo da 2010. urtearen aldean, eta 4,8 punturaino 2005. urtearen aldean.

eustat.eus