Adituek diotenez, musukoen erabilpena da transmisioa prebenitzeko modu eraginkorrena.Bi motatako musukoak daude: kirurgikoak eta N95 izenekoak (horrela deitzen zaie kanpotik datozen partikulen % 95 iragazten dutelako).Baina azken horiek urriak dira.Arazo hori konpontzeko, Brigham and Women’sHospitaleko eta Massachusettseko Teknologia Institutuko (MIT) bioingeniariz eta aditu klinikoz osatutako talde bat lanean ari da musuko esterilizagarri eta berrerabilgarri baten prototipoa garatzeko.

Atariko emaitzak British Medical Journal Open aldizkarian argitaratu dira, non azaldu duten musukoaren funtzionamendua eta ezagutzera eman dituzten 20 parte-hartzailerekin probatu ostean jasotako emaitzak.

Musukoak iMASC (InjectionMoldedAutoclavable, Scalable, Conformable) du izena, eta silikonazko kautxu batekin fabrikatzen da, zeinak 300 ºC-rainoko tenperatura jasan baitezake; hala, ez da kaltetzen esterilizatu ondoren.Sortzaileek azaldu dutenez, material hori asko erabiltzen da beste produktu batzuetan, adibidez, inplante medikoetan edo barruko arropetan, eta erraza da forma emateko.

N95 musukoek bezala, iMASC sistemak ere partikulen N95 iragazki bat edo bi dauzka, baina orain arteko musukoek baino askoz ere material gutxiago erabiltzen du.MITeko lantaldeak musuko hau diseinatu du sarritan berrerabili eta esterilizatu ahal izan dadin segurtasun osoz.

xataka.com