Sistemak ez du erabiltzen kobre, aluminio, nikel edo altzairuzko xaflarik, baizik eta grafenoa baliatzen du segurtasun, eraginkortasun eta jasangarritasun handiagoa lortzeko.

Sistema hau sekulako iraultza da segurtasunari dagokionez, zeren bateria arruntak “berotzen badira edo zirkuitulabur bat jasaten badute, su hartzen dute eta su horiek oso zailak dira itzaltzeko, ez bada kobrezko hautsak edo prozesu bereziak erabilita” azaldu du Graphenano Nanotechnologies enpresako presidente MartínMartínezek.Orobatesan du “sekulako iraultza dela segurtasun arloan”, istripuen arriskua desagertzen baita, “bateriak ez duelako surik hartzen ezta urarekin kontaktuan jarritakoan ere”.“Une honetan existitzen den bateria seguruena da” gaineratu du.

Graphenano enpresako zuzendariak azaldu duenez, sistema honek “grafenoa darabil polimeroaren nahasketan”, eta ez kobre, aluminio, nikel edo altzairuzko xaflarik. Horri esker, “konektagarritasun handiagoa dauka” eta “dispositiboen pisua eta bolumena % 20-30 bitartean murrizten da”.

Eraginkortasuna hobetzeaz gain, sistema hau egungoa baino merkeagoa da.Martínezenarabera, “metalak grafenoportzentaje batekin ordezkatzen direnez, eta produkzio prozesua sinpleagoa denez, kostua ere txikiagoa da”.Zentzu horretan, “laster ikusiko da nola prezioa % 20-30 bitartean jaitsiko den egungo bateriekin alderatuta”.

CO2 emisioak % 50 murriztea

Sistema berri hau, merkatura laster iritsi litekeena, lagungarri izango da bateriek ingurumenean duten inpaktua murrizteko, ez baitu metalik kolektoreetan. Martínezek azaldu duenez, “ez dugu erabili meatzeetatik erauzi behar den metalik, eta horren ordez grafeno pixka bat sartu dugu. Horrek esan nahi du CO2 isuriak izugarri murrizten direla, % 40-50 bitartean”.Gainera, sistema berria birziklagarriagoa da, “ez dagoelako kobrerik edo aluminiorik, eta geruza gutxiago dituelako”.

europapress.es