IBMk CES azokan (aste honetan Las Vegasen egingo den kontsumorako teknologiaren munduko azoka garrantzitsuenean) aurkeztu du erabilpen komertzialerako lehen ordenagailu kuantikoa. Q System One du izena eta Bob Wisneiff da bere arduradun tekniko nagusia.IBMk azaldu duenez, “erabilpen zientifiko eta komertzialerako diseinatutako konputazio kuantiko unibertsaleko lehen sistema da”. Makina horrek 20 cubit (bit kuantiko) ditu eta jendea txunditzeko diseinaturik dago. Kristalezko ontzi baten barruan dago, zeinak soinua eta bibrazioak xurgatzeaz gain, tenperatura egonkor mantentzen baitu, txip kuantikoak izugarri delikatuak direlako. Diseinu industrialeko Map Project Office konpainia ospetsuak diseinatu du, itxura futurista baina, aldi berean, vintage kutsua (argi dago ordenagailu bat dela) eman diolarik. Nahiz eta konpainiak dioen Q System One makinak erabilpen komertziala izan dezakeela, teknologia honek bide luzea egin behar du oraindik ikerketa zientifikoaren zirkuitutik kanpo erabili ahal izateko.

Informatika kuantikoa eta informatika klasikoa ez dira berdinak; kuantikoak ez ditu bit-ak erabiltzen, baizik eta cubit-ak, horixe baita bere oinarrizko informazio unitatea. Bit tradizionalek 0 eta 1 formatuetan gordetzen dute informazioa, aldiz, informatika kuantikoak gainezarpena izeneko fenomenoa erabiltzen du informatika tradizionaleko bi formatu horiek aldi berean baliatu ahal izateko. Hala, cubit bat izan liteke 1 eta 0 aldi berean eta, beraz, metatu dezakeen informazio kopurua esponentzialki hazten da. Horrelako konputazioak konta ezin ahala aukera eskaintzen ditu.

elpais.com