Nafarroako herritarren artean banatuko den tresna bat fabrikatzea, kako forma duena eta bereziki sortu dena ez dezagun eskuekin ukitu COVID-19aren hedapen-gune izan daitezkeen elementuak (ateetako heldulekuak, igogailuetako botoiak, datafonoetakoak…). Horixe da “Non-touch” (ukitu gabe) kanpainaren helburua. Nafarroako Erizain eta Ingeniari Industrialen elkargo ofizialek, Iruñea eta Tuterako udalek, SAR Navarra GKEak eta Tuterako Babes Zibilak jarri dute martxan ekimena.

Dagoeneko aski jakina da nola hedatzen den COVID-19a: infektatuta dagoen pertsona batek, eztul egitean edo arnasa kanporatzean, sudurretik edo ahotik botatzen dituen zipriztinen bidez. Zipriztin horiek objektu edo azaleren gainean eror daitezke: ateetako heldulekuak, igogailuetako botoiak, etengailuak, kutxazain automatikoak, datafonoak... Ondorioz, pertsona bat COVID-19az kutsa daiteke zipriztindutako objektu horietako batzuk ukitzen baditu eta, gero, eskuak eramaten baditu begietara, sudurrera edo ahora.

Kutsatzeko arriskua murrizteko asmoz, aipatu erakunde horiek tresna berri bat fabrikatzen eta banatzen hasi dira. Eskuari egokitzen zaion forma anatomikoa du, eta kako bat izateaz gain (ateen heldulekuetarako), badu hortz borobildu bat, botoiak sakatzeko balio duena (igogailuetakoak, datafonoetakoak, kutxazain automatikoetakoak, edo txirrinak).

enfermerianavarra.com