Violeta irakaslea ikasleen parean dago. Irakaslearen betiko tokian, alegia. Baina, benetan, 200 metrotara dago, eta egon liteke askoz urrunago ere: bere etxean edo beste hiri edo herrialde batean. Izan ere, Violeta irakaslea holograma bat da eta hologramen abantailak kontatzen ari da telebista estudio batetik: “Ikasleek sentitzen dute hurbilago daudela. Ikasteko esperientzia humanizatzen da eta, era berean, teknologia aprobetxatzen da ikasle gehiagorengana iristeko”.

Tele-presentzia da Monterrey-ko Unibertsitate Teknologikoan (mexikar guztiek “Tec” deitzen dioten zentroan) probatzen ari diren berrikuntzetako bat. Lehenago ere egin dituzte beste proba batzuk, izan baitzuten irakaslea avatartzat Fisikako 1. mailan. Horrela, elkarrekin batu zituzten unibertsitateak Mexikon dauzkan 26 egoitzetatik bostetan ikasten duten ikasleak.

Unibertsitateak erakunde irekiak izango dira. Mugak desagertzen ari dira eta lankidetza askoz garrantzitsuagoa izango da.

Unibertsitateek beren burua birdefinitu nahi dute eta “Netflix” ereduari atxiki: ikasle batek ikasgaiak aukeratzen ditu katalogo zabal batetik –gero eta espezifikoagoa eta espezializatuagoa izango da eskaintza-, eta horrela, berak marrazten du bere esperientzia akademikoa.

Titulu ofizialekin lehiatuko diren “egiaztapen alternatiboak”.

infobae.com