Baina halaber agerian utzi du Espainiako gizartearen berritzeko gaitasuna. Unibertsitate eta organismoetako ingeniari eta ikertzaileak, plataforma hiritarrak, medikuak, enpresariak eta maker-ak ahalegindu dira gabezia horiek estaltzen, eta lanean hasi dira premia biziko ekipoak garatzeko, hala nola, open source planoekin eginiko kostu baxuko arnasgailuak ZIUetarako eta 3D-n inprimatutako osagaiak.

Barrerok adierazi du Espainiako arnasgailuen prototipoak beste herrialde batzuetakoen aurretik joan direla, AEBetako MIT zentroari ere aurre hartuz. “Martxoaren 12an hasi ziren lanean, hemen bezalaxe, eta handik aste batzuetara euren prototipoaren diseinua argitaratu zutenean, Espainian hainbat modelo zeuden fabrikatuta eta pazienteekin probatzeko fasean”.

Halaber, hiritarren arteko hainbat laguntza-ekimen ere sortu dira krisi honetan. Horietako bat da Espainiako laguntza eskaintzak eta eskaerak koordinatzen dituen onlineko mapa bat. Latinoamerikako hainbat herrialdetako erakundeek erreplikatu dute ekimen hori.

deia.eus