Teknologia berri horiek gizakien ahalegina areagotzeko erabiltzen dira gehienbat. Ez dira konplikatuak erabiltzeko, eta eraginkortasuna eta efikazia ematen diete lan-prozesuei, horrek, neurri handi batean, baztertu egiten dituelarik gizakiak makinez ordezkatzeak ekar ditzakeen kezkak, izan ere, gehiago erabiltzen baitira gizakiei laguntzeko eta beren jarduera hobetzeko.

Hori gertatzen da, esaterako, pazienteen kontsulta-ordutegien kudeaketan. Adimen artifiziala eta machine learning baliagarriak izan daitezke itxaro-zerrendak murrizteko. Gainera, pazienteen informazioaren kudeaketa digitala lagungarri izan liteke ospitaleetan erabiltzen den paper kopurua murrizteko eta informazioa eraginkortasunez eskuratzeko.

Bestalde, chatbot direlakoen bitartez, pazienteek online, hots, osasun zentrora iritsi baino lehen helaraz diezazkiokete medikuari beren sintomak, kontsulta presentzialak azkarragoak izan daitezen. Ekimen horiei eta gehiagori esker, trabarik gabeko informazio-fluxua sortzen da alderdien artean.

Machine learning eta lengoaia naturalaren prozesamendua baliagarri izan daiteke medikuentzat informazio gehiago izateko eta xehetasunei arreta gehiago jartzeko pazienteekiko hitzorduetan. Berriki eginiko ikerketen arabera, medikuek wearable teknologiak (adibidez Apple Watch) erabil ditzakete pazienteen hitzorduak erregistratzeko. Internet of Medical Things delakoa erabiliz, pazienteek euren bizi-seinaleak kontrolatu ditzakete eta horren arabera jokatu, eta baita biltegiratu ere, kontsultetarako eta aurrerago aztertzeko. Hala, medikuek arreta gehiago jar diezaiekete pazienteei, eta, bien bitartean, haiek eramandako datuak erraz pasatzen dira ospitaleko erregistroetara eta norbere fitxa pertsonalera.

muycomputerpro.com