Azken bi hamarkadetan hainbat aldaketa gertatu dira gastu-patroietan. Horrek erakusten du komunikazio digitaleko teknologiak eta informazio teknologiak kontsumoaren zati integral bihurtu direla. Gaurko kontsumitzaileak oso konektatuta daude, edozein direla ere beren adina, errenta, sexua edo ezaugarri demografiko nahiz sozio-ekonomikoak. Estatu Batuetako edo Espainiako helduen hiru laurdenek telefono adimendunak dituzte, eta 2017an, Estatu Batuetako kontsumitzaileen %65ek gutxienez erosketa bat egin zuten aplikazio mugikor bat erabiliz.

Gaur egungo teknologia berritzaileen ?Gauzen Internet, ibilgailu autonomoak, dronak, robotika, adimen artifiziala, ikaskuntza automatikoa, errealitate handitua eta birtuala, trazagarritasun digitala, 3D inprimaketa eta blockchain- erabilpen orokortuak botere handiagoa ematen jarraituko die kontsumitzaileei. Portaera horiek aldaketa demografikoekin konbinatzean (biztanleriaren zahartzea, gero eta zabalagoak diren milenial eta post-milenial kulturak), bi kontsumo patroi desberdin sortzen dira: biziraupen-eredua eta hautaketa-eredua.

Biziraupen-ereduko kontsumitzaileak beharturik daude austeritate modu berriak bilatzera. Prest daude diru gutxiago gastatzeko marka garestietan eta jabetzaren ordez alokairua lehenesteko. Hurrengo hamarkadan jabetza ez da hain garrantzitsua izango, eta ohikoagoa izango da alokatzea nahiz bigarren eskuko ondasunak erabiltzea. ?Eskuraketan oinarritutako kontsumoaren? loraldia izango da, eta horrek berekin ekarriko du ekonomia partekatuaren belaunaldia.

bbvaresearch.com