Aldi-baterako establezimendu bat da, maiatzera arte bakarrik egongo baita zabalik Stratford auzoko Westfield merkataritza-gunean, markak leku berean daukan mega-denda zaharberritu bitartean. Bezeroek aukera dute dendako produktu batzuk ikusteko eta probatzeko, baina ezingo dituzte unean bertan erosi. Online eskatu beharko dituzte, eta dendan bertan jaso handik ordu gutxira edo biharamunean.

Inditex enpresaren marka garrantzitsuenak prentsa-ohar batean azaldu du denda honen funtsa, hasieran kontraesankorra dirudiena. Lokal txikia da, 200 metro koadro ingurukoa, eta arropa ?aukeraketa? txiki bat dago ikusgai bertan. Arropa horiek ?eta horietatik abiatuta markaren gama osoa- lokalean bertan erosi ahal izango dira, baina Internetez bakarrik. Gero, erositakoa egunean bertan jaso ahal izango da eskaera goizez egin bada, eta biharamunean arratsaldez egin bada. Itzulketak edo aldaketak ere bertan kudeatu ahal izango dira.
elpais.com