Ahotsarekin komunikatu ezin dutenentzat edo entzumen ezgaitasunak dituztenentzat zeinu-hizkuntzabitarteko paregabea da komunikatzeko.Are gehiago, metodo hori baliatuz posible izan da zenbait primaterekin eroso komunikatzea.Halere, pertsona guztiek ez dute unibertsalki ulertzen aurretik ikasi gabe.Idatzizko eta ahozko hizkuntzen arteko itzultzaileak dauzkagun bezalaxe, hainbat ikerlarik itzultzaile bat garatu nahi dute zeinu-hizkuntzatik beste hizkuntza ezagunago batzuetara itzultzeko.

Kaliforniako Unibertsitateko zenbait ikerlarik eskularru bat garatu dute, gai omen dena zeinu-hizkuntza itzultzeko.Hau ez da zeinu-hizkuntza ulertzen ez dutenei laguntzeko sortu den lehen proiektu teknologikoa, ez eta lehen eskularrua, baina baiorain arteko proiektu itxaropentsuenetako bat, zalantzarik gabe.

Eskularruaren eraikuntza-prozesuak ez dauka misterio handirik.Eskularru arrunt bat da, zeinu-hizkuntzan hitz egiten duenaren eskuetan jartzen dena.Inguruan poliesterrez inguratutako hainbat kable dauzka, mugimendua detektatzen dutenak.Hala, hatzen mugimendua erregistratu dezake uneoro.Era berean, prozesagailu bat dauka eskugainean, hatzen mugimenduak zeinu-hizkuntzako keinuekin identifikatzen dituena.Ikerlariek diote eskularrua gai dela keinuak % 98,63ko zehaztasunarekin identifikatzeko.

xataka.com