"Made in Switzerland" (Suitzan egina) etiketak lehiakide bat izan lezake laster, "Suitzako berrikuntza" bereizgarria sortzen bada. Bigarren horrek Suitzako esperientzia, trebezia eta sormena nabarmenduko lituzke hainbat arlotan. Oraindik gauza segurua ez bada ere, ideia bezala azpimarratu dute Berna eta Neuchâtel Unibertsitateek Suitzako politikaren etorkizunari buruz argitaratu berri duten gogoeta dokumentuan.

"Suitzan egina" etiketa esportaziorako produktuetan erabiltzen da nagusiki. "Suitzako berrikuntza" bereizgarriak, berriz, Suitzaren irudi berritzailea nabarmenduko luke hainbat esparrutan, hala nola, hauetan: hiriaren eta lurraldearen plangintza, kontsumo eta garapen sostengarria, hondakinen kudeaketa, ekonomia kolaboratiboko ahaleginak, paisaiaren eta ingurumenaren babesa, nekazaritzako produkzio berriak, e.a.

Etiketa berria ez litzaieke bakarrik emango enpresei, baizik eta baita ere konponbide berritzaileak proposatuz garapen ekonomiko, sozial eta sostengarriaren alde lan egiten duten gizarte- eta estatu-eragile guztiei. "Suitzako berrikuntza" bereizgarria ez zaie aplikatuko produktuei bakarrik, orobat kontuan hartuko delako nola gorpuzten diren balio kolektiboa duten konponbide konplexuak" azpimarratu du Hugues Jeannerat-ek.

swissinfo.ch